مسكلى سيجارة وعامل فنان عمال بيشرب فى الدخان
- أقول نيكوتين وقطران يقولى عاوز منها كمان
- أقوله بولس بيقول ياإنسان لا يتسلط علىّ شئ إن كان
- يقولى سلطة أيه ياابنى دى السيجارة حبى ولعبى
- ولما يجيلك سرطام أيه راح تعمل يا إنسان
- وأيه هيجيبه بعد الشر دأنا يادوبك واقف على البر
- دى السيجارة حاجة هنية تملى دماغى ميه ميه
- بكرة نسمع صوت الكحة لما السجاير تأخذ الصحة
- دفلوسك راح بكرة تضيع وحياتك تبقى مزاد للبيع
- دا يعقوب بيقولك حياتك بخار تظهر شوية ثم تنهار
- وايه راح تقول كمان لما تقابل الرب الديان
- ويقولك فين عمرك فين حياتك يا إنسان
- دا أنا نقشتك على كفى عايز أيه تانى عشان يكفى
- أحذر لنفسك وصحتك ياإنسان قبل فوات الأوان
- دى رسالة لكل ناضج فنان عامل نفسة واحد فهمان
- الأدمان دمار شامل .....
للروح : إذ يفصل الإنسان عن الله .
للذهن : اذ يقتل خلايا المخ ويفشل الإنسان دراسياً وعقلياً .
للنفس : يدخل إلى الإنسان تعاسة لا نهاية لها .
بدنياً : إذ يجعل الإنسان نهباً لكل الأمراض حتى الموت .
" يمارس المراهق التدخين ليثبت إنه رجل وعند الرجولة يحاول الأقلاع عن التدخين ليثبت مرة أخرى إنه رجل " ولكن هل سيقدر ....؟!
موضوع: السجارة!!! 
الخميس يونيو 11, 2009 9:45 am
